Ихэнх хүмүүс 11.11-ний өдрийг тухайн жилийн хамгийн том хямдралаа зарладаг өдөр  гэдгээр нь мэднэ.  

Тэгвэл анх энэ өдөр нь ганц бие залуучуудын баяр байсныг та мэдэхүү?  

Хамгийн анх БНХАУ Нанжинг хотын оюутнууд 1993 онд уг өдрийг ганц бие залуусын  өдөр гэж нэрлэн тэмдэглэж эхэлсэн байна. Хятадын цифрт 1-ийн тоо нь ганц хүнийг бэлгэддэг бол 11 тоо 2 хүн бие биенийгээ олж хамт байхыг бэлгэддэг байна. Гэвч энэ өдөр нь ганц биечүүд нэг нэгнийгээ олох гэхээсээ илүү ганц бие байгаагаараа бахархах Валентиний эсрэг утгатай баяр байхаар анх эхэлсэн байна. Улмаар 11 сарын 11-ний өдрийг залуус ганц бие хүмүүс бие биенээ олж хамт байх онцгой өдөр болгон тэмдэглэж эхэлсэн нь Нанжиний их сургуулиас буcад их сургуулиуд руу тархаж улмаар Хятадын нийгмийг хамарсан залуу үеийнхний дунд тэмдэглэгддэг томоохон баяруудын нэг болжээ. 

 

Та магадгүй синглэчүүдийн баяр яагаад хямдралын өдөр болов гэж гайхаж байж магадгүй. Тэгвэл хамгийн анх Alibaba интернет худалдааны платформ нь 2009 оны 11 сарын 11-ний өдрийг 24 цагийн хямдралын фестиваль болгосон нь маш амжилттай болжээ. Учир нь энэ өдөр залуучууд хүнтэй танилцах, хэн нэгэнд сэтгэлээ илчлэх гэхээсээ илүү өөрсдийгөө баярлуулж авахыг хүссэн зүйлсээ худалдаж авдаг байжээ. Үүнээс хойш 11 сарын 11-ний өдөр нь Зүүн өмнөд азийн хамгийн том хямдралын өдөр болсон байна.  

 

Уг өдөртэй холбоотой зарим нэг тоо баримтаас дурьдвал: Alibaba платформ нь дангаараа 2013 онд 5.8 тэрбум доллар, 2014 онд 9.3 тэрбум, 2015 онд 14.3 тэрбум, 2016 онд 17.8 тэрбум, 2015 онд 17.8 тэрбум, 2017 онд 25.4 тэрбум долларын борлуулалт ганцхан өдөрт хийж байжээ. 2017 оны баримтыг цааш үзвэл Alipay аппликешнээр 24 цагийн хугацаанд нийт 1,48 тэрбум гүйлгээ хийгдсэн байна. Энэ нь секундэд 256,000 хүн Alibaba-аас бараа худалдан авч тооцоо хийсэн гэсэн үг юм. 

Энэ өсөлт цаашид ч үргэлжлэх хандлагатай байгаа тул 11.11-ийн хямдралын өдөр нь дан ганц Хятададаас гадна Зүүн өмнөд азийн бусад орнуудад болон  Герман, Их британи, Швед, Норвеги гэх мэт европын орнуудад ч мөн адил синглэчүүдийн баяр гэдгээрээ нэвтэрч интернэт худалдааны болон биет дэлгүүрүүдийн жилийн хамгийн том хямдралаар хэрэглэгчиддээ бэлэг барьдаг өдөр болжээ. 

Тэгвэл манай NEXT.MN-ний зүгээс ч мөн адил хэрэглэгч та бүхэндээ энэ өдөр олон, олон хямдралууд болон буцаан олголтоор бэлэг барих болно.