Бага насны хүүхэдтэй айлд хоолны ширээ сонгоно гэдэг нь зөвхөн өнгө, дизайны сонголтын асуудал биш. Энэ нь өдөр тутмын аюулгүй байдал, удаан хугацаанд эдэлгээ даах бат бөх чанар, арчилгаа бага шаарддаг практик хэрэглээг цогцоор нь харгалзах бодит хэрэгцээтэй шийдвэр юм

Энэ удаагийн нийтлэлдээ бид бага насны хүүхэдтэй айлд хамгийн тохиромжтой хоолны ширээг хэлбэр, материал, өндөр, арчилгаа, аюулгүй байдал гэх мэт үндсэн шалгууруудаар нь тайлбарлах болно.

1.Ширээний хэлбэр

Бага насны хүүхдүүд гэнэт босож гүйх, ширээг тойрон нааш цааш алхах, олон тоглоомоор зэрэг тоглох зэрэг нь эцэг эхчүүдэд ‘хэт хөдөлгөөнтэй’ мэт санагддаг. Гэвч үнэн хэрэгтээ энэ нь тэдний тархины хөгжлийн хэвийн үе шат бөгөөд хүүхэд өдөр бүр шинэ мэдрэлийн холбоос үүсгэж, орчноо судалж, биеийн хөдөлгөөнөө удирдах чадвараа бий болгож буй үйл явц юм. Ийм идэвхтэй үедээ хүүхдүүд гүйж байхдаа бүдрэх, сандлаасаа буух үедээ унах, зэрэг жижиг осолд өртөх нь элбэг. Тиймээс хатуу, хурц булантай тэгш өнцөгт ширээнд дух, хацар, уруул зэрэг эмзэг хэсгээ цохиж гэмтээх эрсдэлтэй. Харин бөөрөнхий болон дугуй ирмэгтэй ширээ нь аюулгүй юм. Мөн энэ төрлийн хэлбэртэй ширээ нь өрөөг илүү зөөлөн уур амьсгалтай болгож өгдөг.

2.Ширээний хөлний бат бөх байдал

Хүүхэд биеийн хөдөлгөөнөө удирдах чадвараа хөгжүүлж байх үе нь гэрийн эргэн тойронд байрлах тавилгуудаас түшиж босох, алхах зэрэг хөдөлгөөн хийх үед хамгийн тод илэрдэг. Ийм үед бат бөх хөлтэй ширээ нь хүүхдэд тэнцвэрээ олоход туслахын зэрэгцээ, дээр нь тавигдсан эд зүйлс унах, хүүхэд гэмтэх эрсдэлээс хамгаалах чухал үүрэгтэй.

3.Ширээний тавцангийн материал

Хүүхдүүдийн хувьд хоол асгарах, харандаагаар зурах, тоглоомоор цохих, зэрэг үйлдлүүдийг байнга гардаг. Тиймээс арчилгаа багатай ч бат бөх материалаас сонгох нь зөв.

 Хамгийн тохиромжтой 2 материал:

• Керамик чулуун тавцан халуун, хүйтэнд тэсвэртэй, зураас гардаггүй, өнгөө алдахгүй, соус, шоколад зэрэг толбо үлддэггүй
• MDF тавцан нь модны жижиг үртсийг өндөр даралтаар шахаж, боловсруулдаг хиймэл модон хавтан юм. Энэхүү хавтан цэвэр модон хавтантай харьцуулахад дөр тутмын арчилгаа цэвэрлэгээ хийхэд хялбар бөгөөд эдэлгээ удаантай байдаг.

Хэрэв та бага насны хүүхэдтэй бол хоолны ширээ сонгохдоо “загвар” гэхээс илүү аюулгүй байдал, бат бөх чанар, цэвэрлэхэд хялбар байдал гурвыг нэн түрүүнд бодолцох нь хамгийн зөв. Next mebel town-ны зүгээс дараах ширээнүүдийг та бүхэнд санал болгож байна.