2026 онд хоолны өрөөний ширээ бол зүгээр нэг тавилга бус, гэрийн гол төв, гоо сайхны илэрхийлэл болон хувирч байна. Дизайнерууд тансаг хэв маягийг практик хэрэглээтэй уялдуулан, орчин үеийн гэрийн хэрэгцээнд нийцсэн шийдлүүдийг санал болгож буйг Decorilla.com онцолжээ.

Ингээд ирэх оны хоолны ширээний гол чиг хандлагуудыг танилцуулж байна.

1. Энгийн сууринаас татгалзаж, уран баримал мэт хөлтэй ширээ сонгоорой

2026 онд ширээний хөл зөвхөн тулгуур биш, харин гоёлын элемент болон хувирч байна. Нарийн сийлбэртэй мод, уран геометрийн хэлбэр, эсвэл металл хийцтэй суурь нь ширээг ердийн хэрэгцээнээс илүү урлагийн бүтээл мэт харагдуулна. Эдгээр шийдэл нь өрөөнд онцгой фокус бий болгож, хооллох орчинг илүү сонирхолтой болгох юм.

Бидний онцлох санал

2. Байгалийг санагдуулахуйц материал

Ирэх онд дизайнерууд тогтвортой хэрэглээ болон байгалийн уур амьсгалд ээлтэй материалд илүү анхаарч байна.

• Байгалийн дулаан өнгө: Царс, хушга зэрэг модон материал давамгайлах бөгөөд өнгөлгөө нь модны байгалийн ширхэг, өнгийг тодотгосон, бага гялалзсан зөөлөн бордуу өнгөтэй байна. 
• Тансаг текстур: Мод, металл, дахин боловсруулсан материал болон байгалийн чулууг хослуулсан шийдлүүд давамгайлна. Ялангуяа гантиг тавцан ба минималист металл суурь нь орчин үеийн тансаг мэдрэмжийг төрүүлэх болно. 

Бидний онцлох санал

3. Олон үйлдэлт ухаалаг хэрэглээ

Орчин үеийн гэр бүлд хоолны өрөө нь зөвхөн хооллох газар биш ажиллах, суралцах, зэрэг олон төрлийн хэрэглээ бүхий орон зай болоод байна.

• Сунадаг ширээ: Хязгаарлагдмал зайд хамгийн тохиромжтой шийдэл. Хэрэглээгүй үедээ авсаархан, хэрэглэх үедээ сунаж томордог энэхүү шийдэл нь практик байдлын шинэ стандарт болж байна. 
• Гэрэлтүүлгийн уран зохиомж: Нэг том люстрийн оронд олон жижиг дүүжин гэрэлтүүлгийг янз бүрийн өндрөөр байрлуулж, уран бүтээл мэт орчны уур амьсгал бүрдүүлэх чиг хандлага давамгайлна. 

Бидний онцлох санал

2026 оны хоолны өрөөний ширээний чиг хандлага нь байгалаас санаа авсан загварлаг, функциональ байдлыг нэгтгэсэн ухаалаг шийдлүүдээр тодорно. Энгийн ширээнээс илүү гэр бүлийн халуун дотно уур амьсгал, хувь хүний өнгө төрхийг илтгэх гэрийн интьерээр дизайны гол дүр нь болж байна.