Бид хоол хүнс, хувцас хунар гээд эдэлж хэрэглэж буй бүхий л зүйлдээ хамгийн шилдэг, эрүүл бүхнийг сонгодог. Гэвч амьдралынхаа 90 орчим хувийг өнгөрүүлдэг дотоод орчны агаарын чанарт шууд нөлөөлдөг тавилгын чанарыг орхигдуулдаг нь нууц биш юм. Тавилгын шахмал модон хавтангаас ялгардаг, нүдэнд харагддаггүй "чимээгүй алуурчин" болох формальдегид хийн аюул болон үүнээс хэрхэн сэргийлэх талаар та мэдэх үү?

Формальдегид гэж юу вэ?

Формальдегид нь шахмал хавтангуудыг нааж, барьцалдуулахад ашигладаг цавуу, давирхайнаас ялгардаг өнгөгүй, хурц үнэртэй хорт хий юм. Хэрэв энэхүү бодисын агууламж зөвшөөрөгдөх хэмжээнээс давбал хүний биед дараах ноцтой хохирлуудыг учруулдаг:

• Шууд илрэх хордлого: Шинэ тавилгатай өрөөнд байхад шалтгаангүйгээр нүд хорсож улайх, хамар битүүрэх, хоолой аргах, толгой өвдөх болон дотор муухайрах шинж тэмдэг илэрдэг. 
• Хүүхдийн амьсгалын зам болон цусны хорт хавдрын эрсдэл: Бага насны хүүхдийн амьсгалын тогтолцоо бүрэн хөгжөөгүй байдаг тул энэхүү хийгээр амьсгалах нь гуурсан хоолойн багтраа (астма), архаг харшил үүсгэхээс гадна цусны хорт хавдраар өвчлөх өндөр эрсдэлийг дагуулдаг. 
• Дархлааны тогтолцоог сулруулах: Байнгын хортой агаараар амьсгалах нь биеийн эсэргүүцлийг нурааж, ойр ойрхон ханиад хүрэх, архаг ядаргаанд орох үндсэн шалтгаан болдог. 
• Урт хугацааны хорт нөлөө: Дэлхийн Эрүүл Мэндийн Байгууллага (ДЭМБ) формальдегидыг I зэргийн хорт хавдар үүсгэгч бодисын жагсаалтад албан ёсоор оруулсан. Хамгийн аюултай нь, чанаргүй тавилгаас энэхүү хий нь 3-аас 15 жилийн турш тасралтгүй агаарт дэгдсээр байдаг. 

Чимээгүй аюулаас сэргийлэх гарц: "E1" стандартай тавилга сонгох нь

Энэхүү чимээгүй аюулаас гэр бүл, үр хүүхдээ хамгаалах хамгийн найдвартай бөгөөд ухаалаг алхам бол тавилга худалдан авахдаа олон улсын экологийн E1 стандартын шаардлага гасан тавилга худалдан авах явдал юм.

E1 стандарт гэж юу вэ? ДСП, МДФ, фанер зэрэг шахмал модон материалыг хүний биед хор нөлөөгүй байхаар Европын холбооны улсаас гаргасан стандарт юм. Уг стандартын дагуу 1 м³ агаарт 0.124 мг-аас бага формальдегид ялгаруулдаг байх шаардлагатай. Next Mebel Town-д худалдаалагдаж буй бүх тавилгууд нь олон улсын E1 стандартыг бүрэн хангасан байдаг. Бид хэрэглэгчдийнхээ эрүүл мэндийг нэгдүгээрт тавьж, зөвхөн экологийн цэвэр, аюулгүй бүтээгдэхүүнийг нийлүүлдэг тул та тавилгын чанарт санаа зовох шаардлагагүй.

Тавилга худалдаж авахдаа анхаарах нэмэлт зөвлөмж:

1. Тавилга авахдаа зөвхөн өнгө үзэмж, хямд үнийг харах бус "Энэ тавилгын хавтангийн экологийн ангилал нь юу вэ? E1 чанарын гэрчилгээ байгаа юу?" гэж заавал асууж хэвшээрэй.
2. Шахмал хавтангийн ил задгай, наалтгүй ирмэгээр хорт хий хамгийн ихээр ууршдаг. Тиймээс бүх булан, ирмэгийг бүрэн нааж битүүмжилсэн эсэхийг шалгаарай.
3. Ямар ч тавилга авсан даруйдаа өрөөг өдөрт хэд хэдэн удаа урт хугацаагаар салхилуулж, агаарын урсгал үүсгэж байх нь ууршилтыг сарниулахад тусална.