1997 онд “Титаник” кинонд Розегийн хүзүүнд гялалзсан тэнгэрийн хөх өнгийн “Heart of the Ocean” зүүлт дэлхий даяар сая сая хүний зүрхийг догдлуулсан билээ. Хэдий тэр нь зохиомол үнэт эдлэл байсан ч, олон хүнд алмаазны үнэ цэнийг дахин сануулж, “мөнхийн хайрын бэлгэдэл” гэх ойлголтыг баталсан. 

Гэхдээ бодит амьдрал дээр, киноноос ч илүү гайхамшигтай түүхтэй алмаазууд байдаг. Тэдний нэг бол Каллинан — дэлхийн хамгийн том чанартай тунгалаг өнгөлсөн алмааз юм. 

1905 онд Өмнөд Африкийн нэгэн уурхайгаас нээгдсэн аварга алмааз түүхэн дэх хамгийн том үнэт чулуу байв: 3,106 карат жинтэй. 
Энэ гайхамшгийг тухайн үед Томас Каллинан гэдэг уурхайн эзний нэрээр нэрлэсэн бөгөөд хоёр жилийн дараа Өмнөд Африкийн Засгийн газар Британийн хаан VII Эдуардод төрсөн өдрийн бэлэг болгон өргөн барьжээ. 

Лондонд авчирсны дараа алдарт Asscher Brothers алмаазыг 9 том, 96 жижиг хэсэг болгон зүсэж, хамгийн том хэсэг болох Каллинан I буюу “Африкийн Их Од” нь 530.2 каратын гүдгэр хэлбэртэйгээр Британийн Хааны Скипетрийн оройд суурилагдсан. Өнөөдөр энэ нь Лондонгийн Тауэр дахь Хааны эрдэнийн санд хадгалагдаж, дэлхийн хамгийн үнэ цэнтэй үнэт эдлэлийн нэг хэвээр байна.  

Алмаазны онцлог ба бэлгэдэл 

Эрт дээр үеэс алмааз нь зөвхөн гоёл биш, харин хүч, эрх мэдэл, мөнхийн оршихуйг илтгэх бэлгэдэл байв. 

• Мөнхийн хайр  — Хэзээ ч эвдрэхгүй бат бөх чанараараа амлалт, итгэлцлийг илэрхийлнэ.  

• Эр зориг ба хүч чадал  — Эрт үеэс алмаазыг муу ёроос хамгаалах чулуу гэж үздэг.   

• Ялалт ба нэр төр — Хаад ноёд алмаазыг титэм, скипетр, ёслолын зэвсэг дээр суурилуулж ноёрхлын бэлгэдэл болгож ирсэн. 

Хаана гээч мэдээж Next-д