Бидний амьдралын хэв маяг, хэрэгцээний салшгүй нэг хэсэг нь цахилгаан бараа, гар утас болон ухаалаг төхөөрөмжүүд юм. Тэгвэл эдгээр зүйлс хэрэглэхгүй болж, эвдрэл гэмтэл гарсан тохиолдолд та юу хийх вэ? 

Шууд л хогийн цэгт үү?

НҮБ-ын мэдээлснээр нэг хүн жилд дунджаар 7,6 кг электрон хог хаягдал гаргадаг бөгөөд найман тэрбум хүнд үржүүлбэл 57,4 сая тонн гэсэн үг юм. Энэ нь эдгээр хаягдлыг дундаж ачааны машинд овоолбол дэлхийг 13 удаа бүтэн ороож хүрэхүйц урт дараалал үүсэх юм.  Хорт бодис, үнэт металлын холимог агуулсан энэхүү хог хаягдлын ердөө 17,4 хувийг л бид дахин боловсруулж чаддаг байна. Энэ төрлийн хог хаягдал нь зэс, алт, далладий, мөнгөн ус, хүнцэл, гэх мэт хүний эрүүл мэндэд асар хор нөлөөтэй маш олон төрлийн химийн бодисуудыг давхар агуулдаг.  Иймээс электрон хог хаягдлаа дахин боловсруулах нь эдийн засаг, байгаль орчин, хүний эрүүл мэндэд онцгой ач холбогдолтой.

Samsung брэнд нь байгаль орчинд учруулах сөрөг нөлөөллөө хамгийн бага хэмжээнд хүргэн бууруулах зорилттой ажилладаг бөгөөд үүний хүрээнд бүтээгдэхүүнийг хэрэглээний явцад эрчим хүчний хэмнэлттэй А+ үзүүлэлттэй бүтээгдэхүүнүүд үйлдвэрлэдэг.

Эрчим хүч бага зарцуулдаг бүтээгдэхүүнүүдийн нэг болох NEO QLED ухаалаг зурагтууд нь мэдрэгчээр эрчим хүч хэмнэдэг буюу өдөр шөнийн аль цагт байгаагаас хамааран гэрэлтүүлгийн чанараа өөрчилдөг гэсэн үг юм.

Мөн тус зорилтын хүрээнд Galaxy загварын гар утасны үйлдвэрлэлд дахин боловсруулсан хуванцар ашиглаж эхэлсэн.

Харин энэ удаад Samsung брэнд Нэкст групптэй хамтран “Хогоо биш БАЙГАЛИА хадгалъя” цахилгаан бараа дахин боловсруулах аяныг зарлаж байна. Тус аян нь байгальд энгийн хогтой хамт хаягдаж хөрсний доройтол, хүн болон байгальд маш их сөрөг нөлөө үзүүлж буй электрон хог хаягдлыг цуглуулан, дахин боловсруулж хоёрдогч бүтээгдэхүүн болгох зорилготой юм.

Нэкст группийн хувьд тус аяныг 2 шаттайгаар амжилттай зохион байгуулж, 3461 хэрэглэгчдийг хамруулан, 15,297 ширхэг цахилгаан хог хаягдлыг амжилттай цуглуулж, дахин боловсруулж чадсан юм.

Нэкст групп болон Samsung брэндтэй 17 жилийн хамтын ажиллагааны хүрээнд тус аяныг ахин эхлүүлж, байгаль орчин болон хэрэглэгчдэдээ хамгийн ээлтэй сонголтыг санал болгож байна. Хэрэглэгч та Нэкст электрониксийн Улаанбаатар болон орон нутгийн өөрт ойр байрлах хүссэн салбар дэлгүүртээ очин хэрэглэхгүй, ашиглах боломжгүй болсон эвдэрсэн гар утас, хөргөгч угаалгын машин, зурагт гээд бүх төрлийн цахилгаан барааг авчирч өгөөд 50,000₮ болон 100,000₮-ийн эрхийн бичиг эсвэл Samsung брэндийн хүссэн зурагтаа худалдан авах боломжтой 200,000₮-ийн эрхийн бичиг бэлгэнд аваарай.