Хүүхдүүд гэлтгүй томчууд маань ч хиам, зайдсанд эрхгүй дуртай байдаг. Тэгвэл өнөөдрийн нийтлэлээрээ элдэв химийн бодис, хугацаа уртасгагчгүй, эрүүл амттай зайдсыг гэрийн нөхцөлд хийх зааврыг хүргэж байна.  

Орц:  

• Гахайн мах 1,3 кг 
• Цагаан талхны үйрмэг 100 гр 
• Давс 25 гр 
• Хар перц 13 гр 
• Нунтаг саримс 10 гр 
• Нунтаг гич 10 гр 
• Орегано 3 гр 
• Монгол гоньд 3 гр 
• Улаан перц 2 гр 
• Хүйтэн ус 250 гр 
• Гахайн өлөн гэдэс 

Заавар:  

• Гахайн махаа машиндаад талхны үйрмэг, хүйтэн ус болон бусад амтлагчуудаа хийж сайтар хольж хутгана. 
• Амталсан махаа гахайн өлөн гэдсэндээ чихээд, өөрийн хүссэн хэмжээгээр тасалж мушгиж өгнө. 
• Бэлэн болсон зайдсаа хөргөгчинд эсвэл сэрүүн газар өлгөж хонуулна. 

Шарах шүүгээнд 200 градуст нийт 30мин шарж болгоно. (15мин дараа зайдсаа эргүүлээрэй) Хөлдөөсөн тохиолдолд бүрэн гэсгээсний дараа шарах шүүгээндээ хийнэ шүү.