Бид амьдралынхаа ойролцоогоор 1/3-ийг унтаж, амарч өнгөрүүлдэг. Тиймээс ор, матрасс сонгох нь зөвхөн тав тух бус, нойрны чанар болон өдөр тутмын эрч хүчтэй шууд холбоотой чухал сонголт юм. 

Зөв матрасс нь хэвтэх үед биед эвтэйхэн байхаас гадна нурууны байгалийн зөв байрлалыг хадгалж, биеийн жинг жигд хуваарилан дэмжих хэрэгтэй. Харин ор сонгохдоо зөвхөн загвар, өнгө үзэмжийг бус, хэмжээ, суурийн бат бөх байдал болон матрасстайгаа хэр нийцэж байгааг анхаарах шаардлагатай. 

Энэ удаагийн нийтлэлээр ор болон матрасс сонгоход туслах 3 зөвлөгөөг хүргэж байна. 

1. Унтдаг байрлал, биеийн онцлогтоо тохирсон матрасс сонгоорой 

Хүн бүрийн унтдаг байрлал, биеийн жин, тав тухын мэдрэмж өөр байдаг. Бусдад тохирсон матрасс танд заавал тохирно гэсэн үг биш. Тиймээс боломжтой бол матрасс дээр ердийн унтдаг байрлалаараа 10–15 минут хэвтэж үзээрэй. Нуруу, мөр, ташаа хэсэгт эвгүй даралт мэдрэгдэж байгаа эсэх, эргэхэд хялбар байгаа эсэхийг анзаараарай.

2. Ор болон матрассын хэмжээг өрөөндөө тохируулаарай 

Орны хэмжээ нь унтах тав тухаас гадна өрөөний орон зай, хөдөлгөөнд нөлөөлдөг. Ор худалдаж авахаасаа өмнө байрлуулах хэсгээ нарийн хэмжиж, орны эргэн тойронд чөлөөтэй явах хангалттай зай үлдэх эсэхийг тооцоолоорой. 

Мөн орны хүрээ, суурь болон матрассын хэмжээ хоорондоо яг таарч байх ёстой. Хэт жижиг эсвэл том матрасс нь зөв байрлахгүйгээс гадна хэлбэрээ алдаж, ашиглалтын хугацаа богиносох шалтгаан болдог. 

3. Орны суурь, материал, чанарыг шалгаарай 

Чанартай матрасс сонгосон ч орны суурь бат бөх бус байвал матрасс жигд бус сууж, тав тух болон эдэлгээнд сөргөөр нөлөөлнө. 

Орны суурь дараах шаардлагыг хангасан эсэхийг шалгаарай:  

• Биеийн болон матрассын жинг тогтвортой даах;  
• Дуу чимээ, ганхалт багатай байх;  
• Матрассыг бүхэлд нь жигд дэмжих;  
• Агаарын солилцоог хангах бүтэцтэй байх;  
• Бат бөх, аюулгүй материалаар хийгдсэн байх.  

Хэрэв хадгалах хэсэгтэй ор сонгож байгаа бол механизм нь ашиглахад хялбар, найдвартай бөгөөд өргөж буулгахад аюулгүй эсэхийг мөн шалгах хэрэгтэй. 

Таны биед тохирсон матрасс, чанартай ор бол зүгээр нэг тавилга биш. Энэ бол тайван нойр, зөв амралт, эрч хүч дүүрэн өдрийн үндэс юм.

Танд хамгийн тохиромжтой сонголтыг хийхэд туслах зорилгоор Next Mebel ор, матрассны багцын онцгой хямдралыг 9-р сарыг дуустал зарлаж байна. 

Та дараах багцуудаас сонголтоо хийж урьдчилгаагүй , хүүгүй 6 сар хуваан төлөх төлбөрийн урамшууллаар худалдан авалтаа хийгээрэй.