Хөргөгчийн дээд, дунд, доод хэсэг болон хаалганы тавиурт ямар хүнс хадгалах нь тохиромжтой вэ? Хүнсээ удаан шинэхэн байлгах, хөргөгчөө зөв ашиглах мэргэжлийн зөвлөгөөг хүргэж байна.

Хөргөгчийн аль хэсэгт юу хадгалах вэ?

Хүнсээ хөргөгчид хийчихвэл л хангалттай гэж боддог үе өнгөрсөн. Хүнсийг зөв хэсэгт нь хадгалснаар амт чанарыг нь алдагдуулахгүйгээр илүү удаан шинэхэн байлгаж, хүнсний хаягдлыг бууруулах боломжтой.

Хөргөгч ашиглахдаа гаргадаг түгээмэл алдаа

Хөргөгчийн ашиглалтын хугацааг уртасгаж, хүнсээ илүү найдвартай хадгалахын тулд дараах зөвлөмжийг мөрдөөрэй.

• Халуун хоолыг шууд хөргөгчид хийхгүй байх
• Хаалгыг удаан хугацаагаар онгорхой орхихгүй байх
• NO FROST системтэй байсан ч жилд дор хаяж нэг удаа бүрэн цэвэрлэх
• Хугацаа нь дууссан хүнсийг тогтмол шалгаж цэвэрлэх
• Дотор талыг ариутгаж, эвгүй үнэр болон бактерийг арилгах

Хөргөгчийн аль хэсэгт юу хадгалах вэ?

Хөргөгчийн температур дунджаар 0°C–8°C байдаг бөгөөд хүйтэн агаар нь дээрээс доош чиглэлтэй тархдаг. Тиймээс хүнс бүрийг тохирох хэсэгт нь хадгалах нь чухал.

Дээд хэсэг

Бэлэн хоол, амттан, ундаа зэрэг шууд хэрэглэх бүтээгдэхүүн хадгалахад тохиромжтой.

Дунд хэсэг (+3°C – +6°C)

Дундаж температуртай энэ хэсэгт дараах хүнсийг хадгална

• Сүү, тараг
• Бяслаг
• Өндөг
• Хиам
• Зүссэн махан бүтээгдэхүүн
• Нээсэн лаазалсан бүтээгдэхүүн

Доод хэсэг

Хамгийн хүйтэн бүс тул:

• Түүхий мах
• Загас
• Тахиа зэрэг бүтээгдэхүүн хадгалахад тохиромжтой

Жимс, ногооны тасаг

Чийгшил хадгалах зориулалттай тул:

• Алим
• Лийр
• Лууван
• Өргөст хэмх
• Навчит ногоо зэрэг шинэхэн бүтээгдэхүүнээ энд хадгалаарай.

Хаалганы тавиур

Олон хүн сүүгээ хаалганы тавиурт хадгалдаг ч энэ нь хамгийн хурдан температурын өөрчлөлтөд ордог хэсэг юм.

Иймээс дараах бүтээгдэхүүнийг хадгалах нь илүү тохиромжтой.

• Ус, ундаа
• Кетчуп, майонез зэрэг сүмс
• Эм бэлдмэл