Зөв арчилгаа хариулт нь!
Торон болон даавуутай харьцуулахад арьс нь цэвэрлэхэд хялбар боловч сайн арчилгаа шаарддаг, хуурай сэрүүн газар байрлуулж, нарны шууд тусгалаас зайлсхийх хэрэгтэй. Савхин буйданг зөв арчлах нь түүний өнгө, чанар, амьдралыг олон жилээр уртасгахад чухал. Ингээд танд бяцхан зөвлөмжийг хүргэе.
1. Тогтмол тоос шороо арилгах
7 хоногт 1 удаа зөөлөн, хуурай эсвэл бага зэрэг чийгтэй зөөлөн илгэн алчуураар арчиж тоос шороо, бохирдлыг цэвэрлэнэ.
Хүчтэй дарж арчих хэрэггүй — савхины гадаргууг гэмтээж болзошгүй.
2. Арьсны зориулалтын цэвэрлэгч ашиглах
Оронд нь ердийн угаалгын шингэн хэрэглэж болохгүй! Савхинд тусгай зориулалтын цэвэрлэгч бодис (leather cleaner) ашиглана.
Саван, спирт, ацетон зэрэг хүчтэй химийн бодис арьсыг хатаж, хагарахад хүргэдэг.
3. Чийгшүүлэлт (арьсны conditioner хэрэглэх)
Савхин эдлэлийг 3–6 сар тутамд нэг удаа зориулалтын leather conditioner-ээр тэжээл өгч чийгшүүлнэ.
Энэ нь савхины уян хатан чанарыг хадгалж, хагарахаас сэргийлнэ.
4. Нарны шууд гэрлээс хамгаалах
Нарны гэрэлд удаан байвал савхи хатаж, өнгө нь гандаж болно.
Буйдангаа шууд нар тусдаг цонхны дэргэд тавихаас зайлсхий.
5. Хэт халуун, хүйтэн нөхцөлөөс сэргийлэх
Халаагуур, радиаторын хажууд байрлуулахгүй байх. Савхи хатаж, агшиж гэмтдэг.
Маш сэрүүн орчинд арьс хатуулаг болж эвдрэх эрсдэлтэй.
6. Асгарсан шингэн, толбыг даруй цэвэрлэх
Ус, кофе, дарс зэрэг зүйл асгарвал тэр дор нь зөөлөн алчуураар зөөлөн дарж шингээ.
Арчиж үрэхгүй! Үрвэл толбо улам гүн орно.
Хүнд толбонд мэргэжлийн цэвэрлэгээний үйлчилгээ авч үзээрэй.
7. Гүн цэвэрлэгээ ба мэргэжлийн арчилгаа
Жилд нэг удаа мэргэжлийн leather care үйлчилгээ авбал зүгээр.
.png?h=ee4485c09c731b006224bbabbe69975f925d4c78)
.jpg?h=ee4485c09c731b006224bbabbe69975f925d4c78)