Бид амьдралынхаа 1/3-ийг орон дээрээ өнгөрүүлдэг. Тиймээс матрасаа тогтмол цэвэрлэх нь зөвхөн тав тух бус, та болон танай гэр бүлийн эрүүл мэндэд маш чухал ач холбогдолтой юм.
Энэхүү нийтлэлээрээ бид заавал мэргэжлийн үйлчилгээ авалгүйгээр, матрасаа гэрийн нөхцөлд цэвэрлэх хялбар зааварчилгааг хүргэж байна.
Матрасаа цэвэрлэхэд танд дараах зүйлс хэрэг болно. Үүнд:
Хэрэв та хэрэгцээт зүйлсээ бүгдийг нь бэлдсэн бол хамтдаа матрасаа цэвэрлэж эхэлцгээе.
1.Ор дэрний хэрэглэлээ салгаж аваарай.
Ор хөнжилийн даавуу, дэрний уут, матрас хамгаалагч зэргийг бүгдийг нь салгаж аваад 54°C-аас дээш хэмийн халуун усанд угаагаарай. Ингэснээр тоосны хачиг, үхжсэн арьсны эс болон хөлснөөс үүссэн нян бактерийг бүрэн устгах боломжтой.
2.Тоос соруулах
Матрасынхаа бүх гадаргууг тоос сорогчоор сайтар соруулна. Ингэхдээ матрасын оёдол, ховил бүрийг үлдээлгүй соруулах хэрэгтэй бөгөөд хажуу тал болон доод хэсгийг ч мартаж болохгүй. Хэрэв таны тоос сорогч даавуунд зориулсан тусгай хошуутай бол түүнийг ашиглах нь илүү үр дүнтэй.
3.Толбо арилгах
Матрасыг хэзээ ч бүхэлд нь усанд норгож болохгүй. Доторх порлон болон пүрш нь чийг авбал хөгцрөх аюултай тул зөвхөн толботой хэсгийг зөөлөн үрж цэвэрлэх шаардлагатай.
4. Хүнсний сода ашиглах
Матрасаас гарч буй таагүй үнэрийг дарах хамгийн үр дүнтэй арга бол хүнсний сода юм. Матрасын гадаргуу дээр хүнсний содыг жигд цацаж, 30 минутаас 2 цаг орчим байлгаарай. Содыг удаан байлгах тусам чийг болон эвгүй үнэрийг илүү сайн шингээж авдаг. Хэрэв энэ үед цонхоо нээж нарны гэрэл тусгавал содын үйлчилгээ улам идэвхжинэ.
5.Дахин тоос соруулах ба хатаах
Сода нь эвгүй үнэр болон үлдэгдэл чийгийг өөртөө бүрэн шингээсний дараа тоос сорогчоор сайтар соруулж авна.
Цэвэрлэж дууссаны дараа матрасыг бүрэн хаттал хүлээх хэрэгтэй. Хэрэв чийгтэй хэвээр байхад нь даавуугаа дэвсвэл хөгц үүсэх нөхцөл болдог. Тиймээс боломжтой бол цонхоо нээж, агаар сайн оруулан, нарны хэт ягаан туяанд хэдэн цаг байлгаарай. Энэ нь үлдэгдэл нян бактерийг устгах давхар ач холбогдолтой.
Эцэст нь матрасаа тогтмол цэвэрлэж хэвшихээс гадна анхнаасаа нян бактери, тоосны хачиг үржих нөхцөлийг бүрдүүлдэггүй, зориулалтын материалтайг сонгох нь хамгийн чухал юм. Бид таны болон таны гэр бүлийн эрүүл мэндэд зориулан хачиг, нян, бактер үржүүлэхгүй технологиор бүтээгдсэн, олон улсын чанарын стандарт хангасан олон төрлийн матрасын сонголтыг санал болгож байна.
